كيف تمتلك اونلاين بيزنس حتي اذا كنت غير محترف في استخدام الكمبيوتر

هو أنا ينفع يكون عندي بيزنس على الانترنت  وأنا مش متمكن أوي من التكنولوجيا؟
طب إزاي أبدأ وهياخد مني وقت أد إيه؟

كتير من اصحاب المشاريع مش بيعملوا اونلاين بيزنس لانهم مش محترفين فى استخدام برامج الكمبيوتر والتكنولوجيا زى انهم يصمموا ويب سايت او يصمموا صور او انهم يعدلوا على الفيديو او انهم يبعتوا ايميلات في المقال ده هنتكلم عن:

• ازي اختيار النموذج الصحيح للعمل بحيث لا يُطلب مني حتى أن اكون خبير في التكنولوجيا
• ازي اختيار نظارم  سهل ومش مطلوب مني اتعلم كتير علشان اتمكن من تحقيق مبيعات بسرعة .
• ازي وليه لازم أتجنب الطريقة القديمة في التسويق.
• الطريقة الجديدة للتسويق أبسط 10 مرات  من القديمة وأكثر فاعلية بشكل مدهش.
• ازي انا بدير شغلي من على الموبايل (الويب سايت ده و التصميمات والاعلانات واتمام المبيعات مع العملاء)
• إزاي تقدر تختار البرامج إللي فعلًا هتفيدك؟

وده هنوضحة فى 5 خطوات فقط
1- أساسيات بدء النشاط التجاري.
2- الطريقة القديمة .
3- الطريقة الجديدة الاسهل والاكثر فاعلية .
4- مميزات بامتلاك اونلاين بيزنس .
5- نصيحة مني ليك

.لو إنت بتفكر إزاي تستفيد من التكنولوجيا حواليك وتصنع منها مصدر دخل ليك فالمقال ده يهمك، أنا هنا هقدر أحط رجلك على أول الطريق بكلام سهل وبسيط، ومن هنا تقدر تقوم بحركة التسويق عن طريق الفيسبوك أو أي برنامج احترافي متخصص إنه يساعد في صناعة محتوى نشاط تجاري.

اولا : أساسيات بدء النشاط التجاري

الفكرة ثم الفكرة ثم الفكرة هي اللي هتخلي عندك الدافع والإحساس إنك مميز وعايز تقدم حاجه، وده بيعتمد على تحديد كل الأهداف بشكل بسيط ومنظم وبناءًا على الإمكانيات المتاحة عندك، وكمان تكون قادر تتعامل مع بديهيات اللابتوب أو الكمبيوتر، وده لأن فيه برامج احترافية بتحتاج تشوفها وتتعلمها عشان تشتغل بيها .
بداية الطريق يمكن تكون صعبة لناس كتير وده لأن مش كل الناس تقدر تتعامل مع الروتين والتقليدية حتى في التكنولوجيا.
ولو هتشتغل على هيئة فريق عمل لازم يكون عندكم نفس الطموح بس بطرق وألوان متعددة، عشان كده لازم تختارهم بعناية من أول الطريق عشان هيكونوا عارفين الفكرة والمضمون والطريقة وإنت عايز الإيد اللي تساعدك مش إللي توقعك.

الطريقة المعتادة

الروتين مبقاش بس في الحياة العامة ده بقى في التعامل مع التكنولوجيا كمان،اغلب اصحاب المشاريع بيعملوا نفس الخطا ده هو يشغل اعلان مباشر على الخدمة ويطلب من العميل انه يدفع له فلوس من اول ما شاف الاعلان،بدون ما العميل يكون عارف اي حاجة عن الشركة وازي هتساعده ، وللأسف دي طريقة بتعتمد على الصدفة والاهتمام بشكل كبير جدًا.

المفترض انت عارف كويس جدا وانا مش مطلوب اوضح لك ان التكنولوجيا اتعملت عشان يكون كل يوم فيه جديد ونكسر الحاجز التقليدي ده.
إنت ممكن تحط نفسك مكان الشخص المتلقي لأي إعلان تجاري، هتلاقي إن الإعلانات بتظهر وتنتشر بناءًا على درجة اهتمامك بيها، بل إنها بتظهر عن طريق الصدفة أحيانًا لفئة غير مرغوب فيها وده بيخليها محل نفور مش إقبال.

قول لي انت شوف كام مرة شوفت اعلان لمنتج بدون ما تكون عارف اي معلومات عن الشخص اللي عامل الاعلان او الشركة وبدون ما تعمل بحث وتقارن بين اشخص وشركات كتير ؟

ها كام مرة ؟ انا كـ احمد ولا مرة

طب انت ازي عايز الناس تشترى منك من اول مرة تشوف اعلانك ؟

ثالثا : الطريقة الجديدة الاسهل والاكثر فاعلية

مبدئياً كده الاول لازم تحدد عميلك كويس جدا وتحدد مشكلنه وتحدد ازي هتساعده , وبعدين تصنع محتوي يجذبه ليك بناء على اهتمامه .

المحتوي عبارة عن صور وفيديوهات ومقالات بتساعد عميلك فى حل مشكلته والهدف في النهاية اننا حصل على طريقة للتواصل مع العميل , وطبعا في طرق كتير ممكن نتواصل بيها مع عملائنا , واحد من الطرق دي هو الموبايل

ازي انا بدير شغلي من خلال الموبايل 

طبعا بعد ما بحدد العميل والمشكلة والمحتوي بيكون مطلوب مني اصمم صور وده بعلمها عن طريق مواقع كتير بتساعدني اصمم صور احترافية ف اسرع وقت

كمان بقدر انشر المحتوي على السوشيال ميديا باستخدام الموبايل , بكتب مقالات على موقعي من خلال الموبايل , والاهم اني بتواصل مع العملاء ماسنجر او واتساب او من خلال مكالمة هاتفية من الموبايل وكمان بسجل بيانات العملاء على برنامج من الموبايل

انت كمان تقدر من خلال التليفون إن يكون ليك دخل ثابت في وقت مش كبير! آه تقدر، وده لأن التكنولوجيا الغير اعتيادية بتقدم برامج كتيرة جدًا بتخدم كل القطاعات، يعني لو عايز محتوى عن الجرافيك أو الكتابة وغيره هتلاقي بكل سهولة،

بس إزاي تقدر تختار البرامج إللي فعلًا هتفيدك؟
أول حاجة السؤال عن ماهية البرنامج والإطلاع على أراء المستخدمين ليه، وتقدر تسأل ناس متخصصة عن ده وكمان تشوف نتائج البرنامج المعروضة عند البحث في جوجل ، وده أول حاجه سهلة في الطريقة الجديدة لأنك مش لوحدك إللي هتسأل إنت هتلاقي ناس كتير بيحاولوا يبدأوا طريقهم معاك.
البرامج دي بتركز إنها توجه المستخدمين انهم يلاقوا كل احتياجاتهم وهما بيستخدموها ، وده بيظهر على شاشة التليفون أكتر لأنه أسهل وأسرع وسيلة إتصال فعالة خارج وداخل المنزل

مثال للبرامج لاني عارف انت بتسال نفسك دلوقتي ايه هى البرامج

لتصميم الصور ( canva)

السوشيال ميديا (facebook – twitter – linkedin – youtube)

ادرة الاعلانات (برنامج اعلانات فيس بوك )

ادارة الموقع (ووردبريس)

لتسجيل بيانات العملاء (جداول البيانات من جوجل  – google calender)

متابعة التاسكات (تريلو)

الاجتماعات مع التيم والعملاء (google meet – zoom)

للتواصل مع العملاء (واتساب بيزنس و المكالمات الهاتفية وماسنجر)

لاستلام المال (paypal – ana vodafone )

رابعا : مميزات امتلاك اونلاين بيزنس

قبل ما هتلاقي ربح مادي هتلاقي ربح معنوي في شخصيتك وكيانك، وهيكون فيه عندك محصلة معلومات لا بأس بها خاصة بالمجال إللي إنت حابب تبدأ نشاطك فيه، وده بالنسبة لبعض الشخصيات أهم مليون مرة من أي ماديات ملموسة، لأنك هنا هتكون بتستخدم التكنولوجيا الحديثة وهي بتستخدمك تقدر تقول إنك طرف في قانون التجاذب الكَوني المشهور.
تاني حاجه هتكون محدد وقتك وفلوسك رايحين فين، وبعد شهر هيبقى معاك كام وبعد سنة هيبقى معاك اد ايه، يعني شخصيتك وروتين يومك هيتحول 360 درجة ودماغك هتدخل درجة رجال الأعمال عن جدارة.
الربح المادي بيكون الدافع الأهم عند أي حد بيبدأ نشاطه على التكنولوجيا، فخليني أقولك إن مهما كان عمرك هتقدر ومهما كانت إمكانياتك هتقدر بردو، ومن هنا أقدر أقولك إنك هتعمل أرباح سنوية بالدولار وهيكون فيه دخل ثابت شهري قابل للزيادة مع زيادة المجهود إللي بتقدمه والأفكار الإبداعية الخاصة بيك.
وأخيرًا هيكون ليك إسم موثوق وعلامة تجارية مرموقة وده بيخلي مجال الترشيحات والبحث عن نشاطك أكبر، وبمجرد ما حركة البحث بتتوجه ناحيتك إنت بتكسب مشاهدات وإعلانات وفلوس وشهرة، عشان كده لازم تتعلم تبدأ نشاطك إزاي على الصعيد التجاري والشخصي.

خامسا: نصيحة مني ليك

الصبر هو الجندي المجهول في أي نشاط ناجح، وخاصة إن التكنولوجيا بتاخد دورتها الفكرية والزمانية عشان تلاقي مقابل لمجهودك عليها.
يعني لو عندك فكرة وفلوس ومافيش عندك صبر ومثابرة وتعلم من الأخطاء وطاقة محاولة هتفضل واقف مكانك أو هتحس إنك زي بندول الساعة هتروح وتيجي وترجع تاني لنقطة السكون.
تاني حاجه لازم عينك تكون على حجم نشاطك لأن كل ما بيكبر كل ما مسؤولياتك تجاهه هتزيد، وده بيخلي حصارك الفكري والثقافي على كل خطوة هتعملها يزيد، في حين إن بيكون من الأفضل والأأمن دايمًا إن يكون فيه مسؤول قانوني عن حركة النشاط، وده لأن سياسة البرامج المستخدمة أو المواقع الضرورية بتتضمن سجل تجاري ورقم ضريبي وهكذا.
ولو إنت عندك كل مقومات بداية النشاط وانتقاء الوسائل هتنجح لو صبرت وبذلت مجهودك واخترت المكان إللي يوجهك مظبوط.