أفضل طريقة لتحديد أهدافك وتحقيقها.
لو عندك طاقة ومش عارف تستغلها إزاي ومش عارف تركيز؟
والأهداف بالنسبة لك مش واضحة؟
ومش عارف تبدأ منين وازاي تنظم وقتك؟
ومستصعب الموضوع ؟
في المقال ده هنتكلم عن:
- طريقة لتحديد أهدافك.
- نبذة عن الصعوبات اللي هتواجهها.
- كيفية التركيزك واستثمار وقتك.
- طريقة لتنظيم أفكارك والوصول لأهدافك أسرع.
كثير منا ممكن يكون قادر جسديا ونفسيا أنه يقوم بوظيفة معينة، ولكن لظروف خارجة عن إرادته بتبدأ الطاقة دي تتشتت لحد ما بيبقى مش عارف هو كان هيتقدم نحو ايه، وعشان كده التشخيص المبكر مش بيكون بس في الأمراض الجسدية ده مبدأ لازم يكون مع كل إنسان على المستوى الشخصي لحياته.
طريقة لتحديد أهدافك
تخيل أنك بتدور على حاجه معينه وتمد إيدك فاوضه ضلمة وبتحاول تمسكها، كام في المية هيكون احتمال إصابتك للهدف اللي إنت عايزة، طب إيه هي الجروح والندبات اللي ممكن تخرج بها من الأوضة الضلمه دي ؟
كل الجروح اللي فاتت دي كانت بناء على أن الأوضة كانت ظلمه فلو تخيلنا أن دماغك هي الأوضة دي، وأيدك هي محاولاتك وطاقتك للوصول والتركيز على هدف معين، فعدم وضوح هذا الهدف أدى إلى الجروح وده هيسبب إهدار لطاقتك .
ودي حاجة هتخليك مشتت باستمرار ومش واثق في إنك هتقدر بتعمل الحاجه اللي حاطتها في دماغك. عشان كده قبل ما تبدأ في تحديد هدفك لازم يكون مطابق لشروط معينة ، زي مثلا أنه يكون واضح، وكمان لازم يكون من ضمن قائمة رغباتك، بالإضافة إلى أنه ضروري جدا أنه يكون متناسب مع إمكانياتك العقلية والمعرفية وبردوا النفسية.
نبذة عن الصعوبات اللي هتواجهها
طيب لو انت عملت كل الخطوات دي وحددت هدف انت عايز تحققه، وليكن المثال اللي هنستخدمه هو مذاكرة قدر معين من المعلومات، لازم تسأل نفسك وأنت بتركز على الهدف ده هل هو قابل للتنفيذ ولا لا، وكمان هقدر فيما بعد أقيم سلوكي ومدى تركيزي عليه ولا لا.
لو كل النقط دي مش واضحة في عقله بيبدأ الهدف يتلاشى من قدام عينيه و بيرجع ثاني لنقطة الصفر.
فلو أنت مش عارف تبدأ خطوات عملية التركيز صدقني دي صعوبة بعينها، وكل ما تفكر أنك اتقدمت خطوه هتلاقي نفسك واقف مكانك لسه بتحدد هدفك وازاي تركز عليك، والأمر هنا يعتمد على مدى بنيتك النفسية القوية لأن الموضوع يحتاج إلى طاقة صبر عنيفة وجباره عشان تأخذ أول خطوة فعلية تحس بيها.
وكمان ممكن تقع في فخ المقارنة بينك وبين اللي بيتقدموا حواليك، وخصوصا لو المحاولات دي من وجهة نظرك إنها مفيدة ومجدية وعايز تعمل زيهم، وهنا تركيزك هيكون مشتت بين اللي انت عايز تعمله لنفسك وبين محاولات تقليدك لهم وبين تركيزك اللي مش عارف مكانه الصح فين، وكل اللي فات ده من الطبيعي جدا أنه يكون القشة التي قصمت ظهر البعير.
كيفية تركيزك واستثمار وقتك
أول حاجة بعد الاعتراف بالمشكلة أنك تؤمن أن الخطوة دي نص الحل، وتقدر بعد كده بسهولة أنك تتابع الطريقة اللي فعلا كانت سبب لتحقيق أهداف كثير وهي استخدام التنظيم بكل معنى الكلمة.
أول تنظيم هتبدا فيه هيكون بكتابة الأهداف بشكل يومي وليست بالشكل الأسبوعي لان تجزئة الهدف بيضمن الوصول له بشكل أسرع كمان نسبة الخطأ بتكون صغيرة وسهل تصلحها، تاني حاجة لازم يكون في ساعة قدام عينك تخصص فيها الهدف وتقف بالفعل بعد انتهاء الوقت ده وتقيم نفسك،
والتقييم هنا مش بيكون للوصول إلى المعلومات بس ده بيضمن عدم استجابتك للمشتتات اللي حواليك وسرعة الاستيعاب اللي عندك، وده من أهم الفوائد الخاصة بيه إنه بيحفزك إنك تكمل لأن كل تجزئة هتعملها على مدار اليوم هتكون محصلتها آخر النهار أنت هتشوفها بعينيك.
فلو كررت النقطة دي وليكن عشر مرات في اليوم بمعدل صفحتين للفهم في ساعة، هيفضل معك من باقي اليوم 14 ساعة كاملين والوقت اللي حاولت التركيز فيه على هدفك كان 10 ساعات بس.
طيب هل للتحفيز هنا ضرورة، هاقول لك إن التحفيز دائما له ضرورة وضرورة قصوى كمان، لأنك لو بتعمل مجهود أول مره طاقتك تشوفه هتكون قابل للانهيار في أي لحظة إلا لو حفزت نفسك بالأشياء اللي تحبها حتى لو كانت كوبايه شاي! بتفرق.
طريقة لتنظيم أفكارك والوصول الأسرع
تقدر تقول لنفسك أن في ناس كثير عندها أهداف بس ما عندهاش طريقه للوصول وفي ناس عندها طريقه للوصول واستعداد نفسي وجسدي بس بتشتت ولما بتتشتت
الأهداف بتتبخر.
هتستفاد من الجملتين اللي فاتو دول إيه؟ هاقول لك إن الإجابة لازم تكون بين سطور القطعة فلو اتعاملت مع الفقرة اللي فاتت دي على أنها فقرة في الامتحان هتطلع الإجابات لوحدك.
إذن في أول حاجة هي تحديد الهدف وده بيكون بناء على الأولويات والوقت الزمني اللي قدامك اللي بيتناسب مع قدراتك للوصول إليه، تاني حاجة هي طريقة الوصول عشان كده قالوا زمان أن كل الطرق تؤدي إلى روما،
ممكن تكون بتحب تفهم وبعدين تحفظ بس غيرك بيوصل بالعكس، فمش معنى كده إنك غلط أو أنه غلط بل لازم تفهم أن لكل واحد أسلوب والكل أسلوب إرشادات وعلامات فرعية هي اللي بتقولك بشكل غير مباشر أنك في الطريق الصحيح، وتقدر تثبت علي الطريقة اللي تريحك وبعد كده تغيرها وده لان المبدأ هيكون ثبت في مخك، وما تنساش أن لكل مرحلة عمرية متطلبات زي بالضبط دماغك.
