الفرق بين الإعلانات المدفوعة والتسويق المجاني

الفرق بين الإعلانات المدفوعة والتسويق المجاني (الإيجابيات والسلبيات)

السؤال ده بيوصلنى كتير استخدم إعلانات ولا اشتغل بطريقة أورجانيك (مجاني)

سواء الإعلانات أو التسويق المجاني كل واحد منهم ليه إيجابيات وسلبيات والصح إننا نجمع بين الاتنين ونستفيد منهم أقصى استفادة

أهلا بيك أنا اسمي أحمد الجمال بساعد الأشخاص والشركات في بناء أونلاين بيزنس خلال 30 يوم

وفي المقال ده هوضح لك

• الإعلانات المدفوعة
• التسويق المجاني
• إيجابيات وسلبيات كل منهم
• كيف يمكن الجمع بينهم
• أيهم أفضل

سواء كنت في الوقت الحالي بتعتقد على التسويق المدفوع أو التسويق المجاني فاوعدك أن المقال ده هيفيدك

كثير من الأشخاص بيعتقدوا أن التسويق المدفوع بيكلف المال ,وان التسويق بشكل مجاني مثل الــ SEO لا يكلف المال

لكن ده مش صح لأن التسويق المجاني يكلف الوقت ,والوقت أغلى من المال

أيهما يحقق نتائج أسرع

في حالة الاعتماد على التسويق المدفع فممكن يحصل أننا نشغل إعلانات وقت الفطار ونلاقي نتائج وقت الغداء .

التسويق المجاني محتاج وقت كبير حتى تظهر لنا نتائج ,هو مش بيكلف مال فعلا لكن بيكلف الوقت

وده معناه أن لو هشتغل 6 ساعات في اليوم تسويق مجاني ممكن أحقق نفس النتائج أو نتائج أفضل بشكل 20 دقيق تسويق مدفوع.

إذا في حالة محتاجين نشوف نتائج في أسرع وقت ممكن نختار التسويق المدفوع

إما في حالة عدم امتلاك المال في البداية نختار التسويق المجاني

الفرق بينهم (التسويق المدفوع  vs التسويق المجاني )

التسويق بالإعلانات يكلف المال – التسويق المجاني لا يكلف المال

التسويق بالإعلانات يحقق نتائج سريعة – التسويق المجاني يحتاج الكثير من الوقت

التسويق بالإعلانات مثل ( إعلانات السوشيال ميديا) – التسويق المجاني مثل (SEO- التسويق بالإيميل – نشر محتوى مجاني بدون إعلانات على السوشيال ميديا)

كيف يمكن الجمع بينهم

تخيل أنك مش معاك فلوس كتير تصرفها على الإعلانات وفي نفس الوقت مش محترف إعلانات وكمان عايز تظهر نتائج في أسرع وقت .

أي هو الخطوات الصحيح للتسويق في الحالة دي

• اصرف مثلا 100 دولار إعلانات والنتيجة أن في جزء من الأشخاص هيشتروا جزء مش هيشترى
• حول الأشخاص اللي مشتروش منك للقائمة البريدية أو متابعين لك على السوشيال ميديا
• إرسال إيميلات بتقدم قيمة
• إنشاء محتوى على السوشيال ميديا والمحتوى هيظهر للأشخاص اللي دفعت عليهم فلوس في الأول
• إعادة استهداف الأشخاص اللي صرفت عليهم إعلانات ومشتروش بإعلانات تاني بتكلفة أقل وقدم لهم عرض قوى

بيحصل في كتير من البيزنس إن عميل محتمل بيسال عن المنتج أو الخدمة أو الكورس من الإعلان ومش بيشتري وقتها وبيتابع صفحات السوشيال ميديا

وبعد 3 شهور بيكتشف أنه في الوقت ده بالتحديد محتاج أنه يشترى المنتج أو الخدمة أو الكورس

إذا لو أهملنا التسويق المجاني مش هنحصل على العميل

ولو أهملنا التسويق المدفوع مش هنحصل على عملاء بسرعة

الخلاصة:

• الإعلانات بتحقق نتائج بسرعة
• التسويق المجاني يكلف الوقت
• يجب الجمع بين الاثنين