الناس بتشترى اما لتحقيق سعادة او تخفيف الم او انهم شافوا العرض ده فرصة وفىه قيمة كبيرة ومش قادرين يقاوموه
ازى بقي نبرر العرض حتى لو مش بيحقق ارباح لعملائنا ومن غير ما نوعدهم بكسب المزيد من المال ؟
لو انت بتكافح علشان تبيع منتج او خدمة او كورس من غير ما توعد عملائد انهم هيكسبوا فلوس اكتر من اللى هيدفعوه فى الكورس فالمقال ده ليك
اهلا بيك انا اسمى احمد الجمال بساعد الاشخاص والشركات فى بناء اونلاين بيزنس مربح ومستقر خلال 30 يوم
فى عروض كتير مفيدة للناس من غير ما تعلمهم ازى يكسبوا فلوس ومع ذلك بتقدم قيمة كبيرة للناس ، مثلا كورسات الاكل الصحى واهميتها , هنا الاستفادة مش فلوس لكن ازى يعيشوا بصحة افضل
هنا المدرب بيطلب فلوس مقابل تقديم المعلومات, وده بيخلى ناس تسال نفسها هو ليه ممكن شخص يدفع فلوس للمدرب وفى النهاية بياخد منه كلام اللى هو المعلومات
وان المفروض انا اديله فلوس لو هو هيعلمنى ازى اكسب اكتر من اللى دفعته .
دلوقتى هوضح لك بمثال ، خلينا نفترض ان مدرب بيعلم الناس ازى يختاروا شريك حياتهم بطريقة صحيحة ،
دلوقتى الاسرة دى بتتكون من اى ؟
الاجابة
الزوح والزوجة والاولاد والبيت و سيارة والفرش ودهب الزوجة …..الخ
خلينا نتخيل لو شخص حصل على الكورس هيستفيد اى
- هيختار شريك حياتة بشكل صحيح
- هيعيش فى سعادة
- هيركز فى شغله
- هيكبر من ممتلاكاته
- هيربي اطفاله كويس
طب لو محصلش على التدريب
- هيكون فى مشاكل بينه وبين شريك حياته
- عدم التركيز فى العمل
- وممكن يخسر شغله
- مش هيعرف يربي عياله كويس
- ممكن يحصل طلاق ويخسر الشقة والاولاد يتفرقوا
فلو المدرب بيقدم علم حقيقي ومعلومات مفيدة فهو بيساعد الاشخاص فى عيش حياة سعيدة , وبيحافظ على الشقة والسيارة والعمل والاولاد
كم يقدر ثمن الاولاد ؟
فى معتقدى مفيش فلوس فى الدنيا تساوى الاولاد والحياة المنزلية السعيدة
الموضوع عامل زى شركات التامين , انت بتدفع مبلغ تامين علشان لقدر الله لو حصل حاجة تاخد تعويض من الشركة ,لكن لو مش عامل تامين هتدفع اضعاف اضعاف المبلغ اللى كنت هتدفعه قسط تامين .
مثال اخر : كورس فقدان الوزن
هنا الشخص مش بياخد فلوس اكتر من اللى دفعها ,
لكن لو هو حصل على الكورس
- وزنه هينقص
- هيعرف يتحرك براحته ,
- ومش هيكون عنده مشاكل صحية
اما بقي لو محصلش على الكورس
- وزنه هيزيد
- هيكون عنده امراض
- هيدفع فلوس اكتر للدكاتره علشان يعالج الامراض
فى إعلان لتلاجة مشهور ,بيجيبوا واحد مراته طلبت منه يغير التلاجة فجاة تخيل نفسه لو مغيرش التلاجة ,الاكل هيفسد وبطنه هتوجعه وهيدخل غرفة العمليات .
الناس بتشترى الكورسات اما لانهم عايزين يحققوا نتيجة معينة او انهم عايزين يحافظوا على حاجة عندهم خايفين من خسرتها
إذا أنت تقدر تكسب فلوس في حالة لو عندك القدرة على مساعدة الناس فى تحقيق النتائج او الحفاظ على ممتلاكاتهم
وبكده اكون جاوبت على سؤال هل ممكن بيع كورس او خدمة لا تحقق المزيد من المال لعملائي
لو عند اى استفسار احجز استشارة مجانية لمدة ساعة من هنا حجز استشارة مجانية
