أزاي تزود دخلك ( نصائح من القرآن والسنة )

سر تحقيق الثروة: شكر الفلوس ولا شكر ربنا؟

وأنا بتصفح على اليوتيوب مؤخرًا، لقيت فيديو شدني جدًا, الفيديو كان من واحد من الناس اللي بتابعهم, شارك في الفيديو سر تعلمه من ملياردير ياباني, وأنا بتفرج، اتصدمت من المعلومة اللى قالها وحسيت إن لازم أشاركها معاكم.

السر الياباني لزيادة الدخل

كان بيتكلم عن ملياردير ياباني بيشبهه بـ “وارن بافيت”, وكشف عن سر تحقيقه للثروة، اللي سماه “مانى أريغاتو”,”أريغاتو” دى يعني “شكرًا” بالياباني, السر،، إنك تشكر الفلوس كل مرة تعمل فيها معاملة مالية، سواء بتدفع تمن قهوة أو بتستلم مرتب, السر ده بالنسبة لي كان مذهل.

السر في القرآن الكريم لزيادة الدخل

أول حاجة جت في بالي لما سمعت السر ده هي الآية في سورة إبراهيم: “لَئِن شَكَرْتُمْ لَأَزِيدَنَّكُمْ” (سورة إبراهيم، الآية 7), لو شكرنا ربنا، هيزودنا من نعمه, والملياردير الياباني بيأكد إن شكر الفلوس بيزود تدفقها, إحنا كمسلمين، عندنا السر الحقيقي: شكر ربنا سبحانه وتعالى على كل معاملة مالية بنعملها.

تأثير الشكر على حياتنا

هو قال, الشكر بيزود إحساسه بالامتنان وبيخليه يحس بالوفرة والإيجابية, الشكر بيجيب بركة ونعمة أكتر في شغله وحياته, المعلومة دي كانت مذهلة بالنسبة لي، لأنها بتخلينا ندرك إن عندنا كنز حقيقي في شكر ربنا.

أزاى نمارس شكر ربنا

من دلوقتي، خلونا نحاول نشكر ربنا في كل معاملة مالية، سواء كبيرة أو صغيرة، حتى البسيطة زي اشتراكات الخدمات الشهرية, خلونا كل ما نعمل معاملة مالية، ناخد لحظة نشكر لربنا, شكر لربنا على السماح لنا بامتلاك وإنفاق الفلوس وده هيجيب بركة أكتر لحياتنا.

الخلاصة

عندنا في ديننا الإسلام الأسلحة الحقيقية والدروع خلونا نشكر ربنا في كل معاملة مالية، ونشوف البركة والنعمة اللي هتتدفق لحياتنا.

فلو عايز يزود من دخلك
 خلى عندك يقين بالله أولآ انه الرزاق.
اسعى واعمل اللي عليك.
 اشكر ربنا كل ما يجيلك فلوس وكل ما تدفع فلوس.
تصدق, لان ده نوع من أنواع الشكر لله.
اصرف مالك فى شىء مفيد, لأن ده نوع من أنواع الشكر لله.