خايف تعمل حساب إعلاني على الفيسبوك؟
و شايف حالات إيقاف كتير حواليك وخسائر كبيرة ومش عايز تبقى منهم؟
و مش عارف إيه هي السياسة الخاصة بالفيسبوك وحاسس بالمخاطرة دايمًا في التعامل معاه؟
في المقال ده هنتكلم عن:
- فايدة الأكونت الإعلاني.
- ليه الحساب بيتعطل.
- أخطاء تسبب الرفض.
- قواعد للتعامل مع الرفض.
مافيش شك إن الفيسبوك تطبيق عالمي بيستخدمه مليارات الناس، عشان كده بيكون الوجهة الأولى لأي حد عايز يعمل اسم تجاري وعلامة خاصة بيه بأسرع وقت، وعشان كده فيسبوك حدد شروط وقواعد معينة خاصة بيه يقدر يتحكم بيها في كل الصفحات الشخصية والتجارية وده طبعا وفقًا لسياسة معينة هو بيتبعها،
وبناءً عليه بيتم حجب عدد كبير من الصفحات التجارية لأنه بيشوف إنها مخالفة ليه بشكل ما وبيتخذ ضدهم إجراءات صارمة لدرجة إنه ممكن يلغي وجود الأكونت كله أصلا، عشان كده ناس كتير بتخاف تلجأ للفيسبوك كمركز تجاري إعلاني متميز وده من وجهة نظري خسارة من طرف واحد.
فايدة الأكونت الإعلاني
الإعلانات على الفيسبوك ليها فايدة هامة جدا وبتعمل دفعة في حياة صاحب الحساب بشكل كبير وده لأسباب كتيره بخلاف إن التطبيق واسع الانتشار وده لوحده سبب كافي أصلا، فهو يتمتع بخاصية الحماية لأي عمليات اختراق للحساب بالإضافة إلى إنه قادر يربطك بقائمة الأصدقاء والمعارف الموجودين عليه،
كمان تقدر تشوف نماذج وتقلدها وتسأل أكتر من صاحب تجربة من خلاله وده عن طريقه بردو، وكمان بتكون ليك الأولوية في التمتع بأي أبديت التطبيق هيعمله من تلقاء نفسه لأن المتجر الإعلاني جزء منه وهيتحدث معاه بشكل تلقائي.
ومن أهم المميزات بردو للإعلان على تطبيق الفيسبوك إنه مرتبط بتطبيقات تانية مهمة تقدر تعمل تحويل تجاري بلمسات بسيطة على الشاشة، فبتشارك معلوماتك الإعلانية على الماسنجر مثلا والانستجرام ودول من أهم وأكثر التطبيقات ارتباط بالناس بعد الفيسبوك.
وكمان فيه منصات محترفة تقدر تساعدك في نشر إعلان ممول، ولو الخوف هنا هيكون من خسارة المبلغ المدفوع للعرض فأحب أقولك إن المبلغ ده هيعلمك حاجات كتير، أولا هيخليك مضطر إنك تتعلم سياسة الفيسبوك كويس جدا عشان تتفادى النقطة دي،
ثانيا هيكون المبلغ ده اللي هو رأس مالك التجاري عبر التطبيق قدامه فرصه عظيمة للنمو والمكسب وإنه يكون في نهاية الشهر أضعافه.
بالإضافة إلى أن الفيسبوك قادر أنه يحدد موقعك الجغرافي طبعًا وشوية معلومات تانية عنك، وده هيساعدك لأنه هيستهدف عمليات العرض للفئة الجماهيرية المتناسبة معاك، ودي في حد ذاتها خدمة مميزة.
ليه الحساب بيتعطل
فيسبوك يحتوي علي شوية شروط ممكن نقول إنه ملخصها أنه بيقوم بحجب أي محتوى بيشتمل على إيحاءات جنسية أو ازدراء للأديان أو أي شخصية احتيالية.. إلخ، كمان لازم يكون صاحب الحساب ده شخص بالغ تعدى السن القانوني، وكمان بيقدم منتجات قانونية آمنة على الصحة العامة وصحة البيئة، وانتهاكات الشروط دي بيمثل 50 في المية من إجمالي أسباب رفض المحتوى والتعطيل.
ولأن الحساب الغرض منه بالنسبة للجمهور هو خدمتهم، فبالتالي بيكون فيه رقابة شديدة جدا من إدارة الفيس بوك على التعليقات للجمهور ده تجاه المنتج أو المحتوى، وطالما المحتوى غير قادر علي إنه ينال إعجاب ناس كتير وفيه تعديلات باستمرار من الناس وتعليقات غير مرغوب فيها ومعدل التفاعل على المنتج بيقل،
فإدارة فيسبوك برده بتعطل الإعلان وبتحجبه عن المشاهدة، وده في الأساس مصلحة لناس تانيه وبيخلي أصحاب الحسابات الأخرى ياخدوا بالهم كويس جدا من الشروط ومن التفاعل ومن جوده اللي بيقدموا سواء إن كان محتوى أو منتج،
بالإضافة إلى أن ممكن يكون الرفض وبناء على الماديات، بمعنى أنك بتستخدم حساب للدفع لا يحتوي على المبلغ المطلوب أول مبلغ ناقص، فبالتالي بيتعطل النشر من الأساس والإدارة بتدخل، وممكن يكون فيه فلوس أصلا موجودة معاك وقادر إن أنت تعمل بيها إعلانات كتير وتدفعها بحسابات وبيانات صحيحة وكافية، وبتستخدم الفلوس دي بشكل خاطئ وبسرعة لا تقبلها إدارة حساب الفيسبوك بردو.
أخطاء تسبب الرفض
لازم تتأكد أن أي غلط في حساب الفيسبوك الإعلاني لا يغتفر وبتكون فيه عليه ردود أفعال كبيرة، ولكن فيه أخطاء فيسبوك بتعديها لأنها بتكون غلط في حق الجمهور وده من تلقاء نفسه مش هيخلي فيه إقبال على المحتوى أو المنتج وبالتالي الإدارة هتدخل وتوقف الإعلان برده،
وده مثلا ممكن يكون أن المحتوى مموه أو غير صريح أو فيه حاجات غير واضحة البيانات أو مافيهوش معلومات كافية عن المنتج وغيره، وكمان من ضمن الأخطاء الشائعة واللي بتسبب رفض على المدى البعيد وده بناء على أقلية التفاعل إن صاحب الإعلان والحساب بيحط بيانات التواصل معاه ناقصة،
ومش بيكتب رقم تليفون ولا عنوان ولا إيميل حتى وبيسيب التواصل مبهم، فبالتالي الشخص اللي عايز يتواصل معاه مش بيلاقي وسيلة لده، وده بسبب انخفاض في المعدل الربحي اللي بيخلي ردود الفعل تكون حاجه من الاتنين لو الخطأ ده ماتصلحش..
وهو إما إن الشخص ده هيخسر رأس المال اللي فاتح بيه الحساب وهيصفي معاملاته، يا إما هيفضل ينشر في إعلانات وتتحجب ويسيب المشكلة لحد ما الحساب يتقفل تماما من خلال الفيس بوك.
قواعد للتعامل مع الرفض
لازم تكون فاهم إن الرفض بيكون لسبب يمكن التعامل معه ولكنه يحتاج للصبر والتفكير والاستعانة بشخص متخصص وفاهم قبل التصرف، وده بيكون عبارة عن تجنب للأسباب اللي الإدارة بتقولها كسبب للحجب ومعالجتها، ويقدر الشخص وهو بيحل المشاكل دي أنه يصلح بردو العيوب والنواقص الموجودة في إعلاناته.
ولأن الرفض هنا مش بيكون من خلال الإدارة بس بيكون كمان من فئة الجمهور لازم يكون فيه استماع وإنصات جيد جدا لأسباب الرفض اللي الناس شايفها، لأن كل ما كان فيه تفاعل وتعليقات إيجابية على المضمون كل ما الشخص هيستفيد بالربح المادي، وكل ما ده هيعود على الإدارة بالنفع والترويج للتطبيق والمتجر عموما فبالتالي بيكون فيه مهلة قبل اتخاذ قرار الحجب، كمان لازم يكون فيه جزء من الاهتمام برسائل البريد الإلكتروني لأن أي تحذيرات أو مخالفات الشخص بيرتكبها بتكون موجودة في الحساب اللي فيسبوك مربوط بيه على الإيميل وبيكون التواصل من خلاله، وده بيقلل خطر المنع والتعطيل والخسارة المادية الفادحة لأصحاب رأس المالي الكبير والمعنوية.
