كيفية بناء بيزنس ينجح ويعمل بدونك وبعد وفاتك؟ (نصائح من القرآن والسنة)

إزاي تبني بيزنس يشتغل من غيرك؟

تخيل إن البيزنس بتاعك ماشي كويس مش بس في حياتك، لكن كمان في غيابك وبعد وفاتك.

في ناس كتير من أصحاب المشاريع لو قرروا يسيبوا شغلهم اللي بيحقق ملايين سنويًا، هيكمل وينمو ويحقق نفس الأرباح وأكتر.

في المقال ده، هكشف لك عن نصيحة من القرآن وسنة نبينا محمد صلى الله عليه وسلم، هتخليك تحول شغلك لريادة الأعمال وتبني بيزنس يستمر ويزدهر فى وجودك وغيابك وبعد مماتك.

خليك معايا لآخر المقال عشان تعرف 3 خطوات عملية تبدأ تنفذها عشان تخلي شغلك يستمر, الـ 3 الخطوات دول من أول ما اكتشف النصيحة دى فى القرآن وسنة نبينا وأنا بطبقهم وليهم أثر كبير على حياتى وشغلى.

النصيحة اللي هتكلم عنها هي “الاستعداد للموت”.

سأل رجلا من الأنصار النبي صلى الله عليه وسلم: “أي الناس أكيس؟ قال: أكثرهم للموت ذكرا، وأحسنهم لما بعده استعدادا..أولئك الأكياس”.

والكَيْسُ: هو العقل. و”أي المؤمنين أكيس”: أي أيهم أكثر عقلا وأسد رأيا.

فأعقل الناس هو اللي بيشوف الأمور على حقيقتها، ما بتخدعوش المظاهر ولا بتشغلو ,  بيشوف الدنيا على حقيقتها، دار ابتلاء وامتحان (الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلاً )(الملك:2).

والدنيا هدفها إنها تكون قنطرة نعدي عليها للدار الآخرة، ومرحلة نتزود منها للسفر الطويل “مالي وللدنيا، ما أنا في الدنيا إلا كراكب استظل تحت شجرة ثم قام وتركها”.

فهو بيشوف نفسه في الدنيا كغريب أو عابر سبيل.

ليه ذكر الموت سبب في نجاح البيزنس؟

ذكر الموت والاستعداد ليه سبب من أسباب نجاح البيزنس

أولاً، بيخلينا نهيكل الشغل بحيث يشتغل من غيرنا.

كمان بيضمن إن عندنا خطة قوية لاستمرارية الأعمال, لو موت بكرة فأنا حاطط الترتيبات اللازمة عشان الشغل يكمل.

ربنا بيقول في القرآن الكريم: “وما تدري نفس ماذا تكسب غدًا وما تدري نفس بأي أرض تموت” (لقمان: 34).

ثانيًا، الاستعداد للموت بيشجعنا على الحفاظ على العلاقات القوية وبنائها.

بنحل أي نزاعات ونتجنب المشاحنات غير الضرورية، مما يؤدي لتركيز أفضل، طاقة أعلى، وإنتاجية أكبر.

الرسول صلى الله عليه وسلم قال: “من كان يؤمن بالله واليوم الآخر فليقل خيرًا أو ليصمت” (رواه البخاري ومسلم).

وأخيرًا، الاستعداد للموت يعني توثيق كل حاجة.

زي الاتفاقيات، العقود، كلمات المرور، الديون، والتعليمات, ده هيساعد على استمرار الشغل بسلاسة حتى بعد رحيلك.

ربنا بيقول: “يا أيها الذين آمنوا إذا تداينتم بدين إلى أجل مسمى فاكتبوه” (البقرة: 282).

التغلب على المفاهيم الخاطئة

في اعتقاد خاطئ شائع إن الاستعداد للموت بيمنعنا من الطموح. ليه نبني بيزنس كبير طالما هنموت بكرة؟

الإجابة على المعلومة الخطا دى جات في حديث نبوي جميل حيث علمنا النبي صلى الله عليه وسلم إنه لو عندنا بذرة في إيدنا واكتشفنا فجأة إن يوم القيامة بدأ، لازم نزرع البذرة دي.

كمسلمين، بنحصل على مكافآت على نوايانا وجهودنا، مش على النتيجة.

كرُوّاد أعمال، سواء متنا اليوم أو بكرة، الحاجة الوحيدة اللي تهم فعلًا هي نيتنا وجهودنا وراء بناء البيزنس .

علشان كده، خلينا نخلي نوايانا طموحة جدًا لأنه لو كنا مخلصين وبذلنا الجهد ضمن قدراتنا، هنحصل على المكافأة كاملة سواء حققنا الرؤية دي في حياتنا أو لا.

ثلاث خطوات عملية لجعل عملك مكتفيًا ذاتيًا

وكما وعدت، هنا ثلاث خطوات عملية ممكن تبدأ تنفذها عشان تخلي شغلك مكتفيًا ذاتيًا بإذن الله:

1. تأمين المعلومات الهامة:

تأكد إن حد في فريقك أو في عيلتك عنده حق الوصول للمعلومات الهامة زي حسابات البنوك، البريد الإلكتروني، قائمة الاتصالات، كلمات المرور، وأي قائمة بالديون، حسابات الدومين والهوست ولوحة تحكم المواقع. اضف شخص في فريقك أو عيلتك كمدير لصفحات السوشيال ميديا الخاصة بشغلك.

الرسول صلى الله عليه وسلم قال: “من ترك مالًا فلورثته، ومن ترك دينًا أو ضياعًا فإليّ وعليّ” (رواه البخاري ومسلم).

2. إقالة نفسك من دورك الحالي:

سواء كنت الشخص الرئيسي في تقديم الخدمة أو الشخص اللي بيقوم بكل التسويق، فكر في كيفية استبدال نفسك في أسرع وقت ممكن.

ده مش هيكون رائع لاستمرارية الشغل فقط، لكن كمان هيوفر لك الوقت عشان تقوم بأعلى قيمة في شغلك.

3. افترض إن عندك 30 يوم فقط على الأرض:

إيه الترتيبات اللي هتقوم بيها للحفاظ على كل حاجة ماشية بسلاسة؟ مين لازم توظفه؟ مين لازم تدريبه؟ إيه هي الإجراءات التشغيلية القياسية اللي لازم تنشئها؟ قم بالتمرين ده كل ثلاثة شهور وشوف ازاي هيتغير شغلك.

قل لي في التعليقات لو عندك أي نصائح عملية عن كيفية تنفيذ النصيحة دى.