كيف تحول خبرتك فى الحياة الى كورس (إنشاء الوحدات والفصول)

كتير من المتابعين بيسالونى ازاى اختار وحدات الكورس؟

ازاى اختار أسماء الفصول ؟

اعمل الكورس كام وحدة وكام فصل ؟

في المقال ده هوضح لك إطار عمل سهل وبسيط جدًا لإنشاء دورات عبر الإنترنت.

اهلا بكم أنا أسمي احمد الجمال أساعد الأشخاص في بناء اونلاين بيزنس خلال 30 يوم،  اليوم هوضح ازاى نعمل  إطار  لإنشاء دورة تدريبية عبر الإنترنت او ازى نحول خبرتنا فى الحياة لكورس.

وهجاوب على اسئلة كتير بسمعها من الأشخاص اللي محتاجين يحولوا خبرتهم الى دورة تدريبية عبر الإنترنت ومن الاسئلة

• كيف أقوم بتكوين الكورس.
• كيف أخطط للوحدات.
• كيف أنظم كل شيء.
• إطار العمل المناسب لي.

صدق أو لا تصدق الطريقة اللى هشرحها هى نفس الطريقة اللى بستخدمها فى إنشاء كورساتى وهى نفس الطريقة اللى بيستخدمها كتير من المدربين الناجحين فى العالم .

إطار الدورة أو الوحدات هي العنصر الأساسي في كل دورة تدريبية عبر الإنترنت أو برنامج التدريب،والطريقة اللى هوضحها حققت نجاح لكورسات كتير على ألإنترنت علشان كده هى طريقة كويسة وبنصح أي شخص انه يستخدمها،

جهز ورقة وقلم وركز معايا الموضوع سهل جدا فهمه , وعملائك هيحبوه وده لأنه هيساعدهم يوصلوا لهدفهم .

فى البداية لازم نحدد نتيجة ملموسة العميل محتاج يوصلها والنتيجة دى قابلة للقياس , فى البداية لو انت مش عارف موضوع الكورس اللى هتدرسه الاول اقرا مقالى ” كيف تعرف إذا كانت فكرة الدورة التدريبية الخاصة بك ستكون ناجحة ”

الخطوة الاولى

حدد هدف عميلك , اسال نفسك عميلك عايز يوصل لايه , وحدد هدف واضح وملموس وممكن قياسة , تخيل عميلك وهو مبسوط علشان حقق هدفه واسال نفسك هو عميلي علشان يوصل للهدف محتاج اي.

مثال شخص عايز يحترف الــseo هنتخيل الشخص احترف السيو , وهنا نسال نفسها ايه المهارات اللى هو اكتسبها علشان يكون محترف .

طبق ده على الكورس بتاعك وعلى عميلك واكتب المهارات فى ورقة .

الخطوة الثانية

اسأل نفسك عميلي موجود فين اصلا , اى هي نقطة البداية , هو فين ومحتاج يوصل لايه , مثال الشخص اللى عايز يحترف السيو مش عارف معنى السيو ,انواعه ,ازاى جوجل بيرتب المواقع ,اي هو الonpage سيو ,اى هو ال offpage سيو, ازى يحلل وموقعه , ازاى يحلل المنافسين , ازاى يعمل خطة عمل

إذا إحنا عرفنا أسئلة الشخص وهدفه وازى يوصل للهدف

مثال تانى

شخص محتاج يتعلم يعمل ويب سايت

إذا الهدف احتراف إنشاء ويب سايت

نسال نفسنا هو العميل فين دلوقتى واى المهارات المطلوبة علشان يكون محترف إنشاء ويب سايت ونعمل بحث عن المهارات ونسال العملاء محتاجين يتعموا اى

حدد مكان عميلك واكتبه فى الورقة 

الخطوة الثالثة

اسال نفسك هو عميلى لو عرف المعلومات دى فعلا هيكون مبسوط ويعرف يوصل لهدفه , اسال عميلك لو عرفت المعلومات دى هتكون قادر توصل لهدفك

اتصل بشخص محتاج ياخد معاك الكورس , او ابعت له واتساب او ابعت له ماسنجر “دلوقتى حالا “

الخطوة الرابعة

حدد المعوقات اللى ممكن تمنع الشخص انه يتحرك ويبدا فى العمل

مثال أول شخص كان عايز يحترف السيو ممكن يعطله انه معندوش ويب سايت وضح له ازاى يمتلك وييب سايت

الشخص التانى ممكن يعطله ان معندوش فيزا لشراء أدوات إنشاء الويب سايت , وضح له ازاى يعمل فيزا , او انه معندوش امكانية يشترى الأدوات ,وفر له الأدوات لو موجوده عندك .

خلى هدفك ان كل شخص ياخد الكورس يكون عنده القدرة ان يوصل لهدفه, وكل ما كان عدد ألأشخاص اللى هيوصلوا اكتر كل ما كان الكورس بياع .

وكل ما عدد الناس المبسوطين هيكون كتير وهيتكلموا عن الكورس كويس وهتبيع اكتر

اسأل نفسك هل عميلى هيكون وصل لهدفه , اى هى الأدوات اللى ممكن اوفرها لعميلى , اى هى المعوقات , ازى اخلى عميلى يتخطى المعوقات واكتب كل ده فى الورقة

دلوقتى أنت بتسال نفسك انا هعرف ازاى الناس عايزة توصل لايه , واى هدفها , وهما واقفين فين دلوقتى ,

الاجابة طبق الخطوات ما أنا كنت بقول لك كل شىء اكتب فى الورقة واتواصل مع عميلك واسأل عميلك , وابدأ الأول بعدد فصول قليل ووحدات قليلة , وبعدين اسال عمليك هو ناقصه اى من المعلومات ,وابدأ زود فى محتوى الكورس.

أنت مش مطلوب منك تعمل اطول كورس فى العالم من حيث عدد الساعات , أنت مطلوب منك تساعد عميلك يوصل لهدفه

أتمني اكون جاوبتك على السؤال والأمور واضحة بالنسبة لك ولو عندك أي سؤال ممكن تحجز استشارة  من هنا حجز استشارة مجانية