أفضل إستراتيجية لإعلانات فيسبوك

افضل استراتيجية لإعلانات فيس بوك عرفها الإنسان , لو فى حاجة وحدة فى مجال التسويق الالكتروني الناس بتصعبها فهى إعلانات فيس بوك ,

عايزين يشغلوا 100 حملة اعلانية بتكلفة 5 دولار فى اليوم وفى النهاية النتيجة 3 مبيعات بالكتير او صفر مبيعات .

او انهم يصرفوا 10 دولار فى اليوم والنتيجة 5 مبيعات ومنتظرين لما يصرفوا 100 دولار فى اليوم تكون النتيجة 50 مبيعة .

انا اسمى احمد الجمال بساعد الأشخاص فى بناء اونلاين بيزنس خلال 30 يوم .

افضل نوعين من إعلانات فيسبوك

فى المقال ده هوضح لك افضل استراتيجية لإعلانات فيس بوك عرفها الانسان , نصيحة وانت بتشغل اعلانات الفيس بوك

اولا انا بعمل نوعين من الحملات

الأولى حملات باردة (cold )

والتانية حملات اعادة استهداف (retarget).

ثانيا : كل ما كان الإعلان بسيط وسهل على عميلك فهمه كل ما كان افضل , ومش بس سهل لا ده كمان لازم يكون فعال ويحقق هدفه .

حل مشكلة زيادة التكلفة

واحد من الاشخاص حجز استشارة عندي وقال ان الاعلانات كانت شغالة معاه كويس جدا وبيحقق ارباح و فجأة زادت تكلفة العميل 3 أضعاف ومش عارف يعمل اى ؟

فسألته انت بتستخدم كام زاوية فى إعلاناتك ووضحت له ان الزواية مش هى عدد الاعلانات وانها فكرة الإعلان والزاوية ال بتكلم منها العميل

فجاوب انه بيستخدم زاوية وحدة فقط , بعدها عدلت الميزانية وعملت اكتر من اعلان بأكثر من زاوية والنتائج بدأت تتحسن وترجع زى الاول

انت كمان لو فضلت تخاطب عميلك فى كل اعلاناتك على فيس بوك من زاوية واحدة هيجى عليك وقت وعميلك هيمل منك ومش هيتفاعل على الاعلانات ولا هيشترى

لو لاحظت اعلانات شركات زى وي وفودافون واتصالات فى شهر رمضان هتلاقى ان الاعلانات بتتغير وفكرة الإعلان بتتغير ,ايوة ممكن تلاقي نفس الأشخاص فى الإعلانات لكن المحتوى والفكرة بتتغير

اعلانات فيس بوك عاملة بالظبط زى صندوق مقفول وانت علشان تفتحه مطلوب منك تدفع فيه مثلا 10 دولار ولما يفتح هتلاقي جواه 10 دولار او 20 او 100

فأنت محتاج تفتح اكتر من صندوق وتشوف اى واحد منهم لما بتدفع فيه 10 دولار ويفتح بتلاقي فيه أكبر مبلغ

فأنت مطلوب منك تعمل 10 زوايا للاعلان (يعنى 10 اعلانات مختلفة من حيث الفكرة والمحتوى والتصميم )
مثلا لو هنبيع شقة

نقول ان فى خصم على الكاش

اعلان يوضح سعر المتر

اعلان يوضح الامان

اعلان يوضح ل الام انها هتامن مستقبل ابنها

اعلان يوضح ان ده استثمار كويس

اعلان يوضح قد اى الشقة متقسمه كويس

اعلان يوضح ان نسبة التحميل كويسه

ولنفرض ان 7 منهم فشلوا و 3 نجحوا , فاكيد هتوقف الإعلانات الفاشلة والسبعة وتستمر فى تشغيل الثلاثة الناجحين

وتعمل بدل الاعلانات الفاشلة وتجربهم والفاشل منهم يقف والناجح منهم يستمر

نجاح إعلانات فيسبوك

دلوقتى الفيس بوك بيدخل في الكثير من الأمور في حياة الناس و عدد كبير من الناس بيستخدمه في تسويق منتجاتهم عن طريق الاعلانات الممولة لانها بتسهل عليهم الموضوع وبساعدهم انهم يحققوا مكاسب كبيرة وبسرعة،

علشان ينجحوا مهم جدا أن المعلن يكون عنده حس فني كبير وهو بعمل اعلانات الفيس بوك، ومش بس اعلانات الفيس بوك لا كمان  إعلانات جوجل و اليوتيوب، وده علشان يقدر  تكوين قاعدة عريضة من الجمهور.

مهم جدا الإعلان يكون بسيطً و في نفس الوقت يحتوي على عدد الزوايا المناسب علشان يحقق  الأرباح ،

وكل شهر نجدد الزاوية علشان نقدر نحافظ على قاعدة الجمهور ، لان لو استمرينا  على نفس الزاوية وقت طويل بالشكل ده هنتعامل مع اعلانات محروقة ومش تحقق لنا أرباح وتحقق خسائر.

مفيش مشكلة لو صرفنا ميزانية الإعلانات  على ثلاث زوايا فقط من عشر, المهم  الزوايا الثلاث يكونوا شغالين كويس وبيحققوا ارباح , ونحقق من خلالهم ربح لحد ما يتحرقوا ، وده طبيعى ،وفى الوقت ده هتوقف الإعلانات ونشغل اعلانات جديدة بزوايا مختلفة ونفس الطريقة على اليوتيوب مش بس إعلانات فيس بوك

ملحوظة : مش معنى اننا هنشغل اعلانات بأكثر من زاوية ان الارباح هتزيد ممكن نشغل اعلان بزاوية وحدة ويدخل ارباح اكتر من اننا نشغل اعلانات ب 100 زاوية المهم ان لما الاعلان يتحرق وتكلفة العميل تزيد اننا نكون مجهزين اعلانات بزوايا مختلفة

علشان كده مهم جدا تعرف الزوايا المفيدة فى مجالك وتركز عليها , ومهم جدا ان يكون عندك قدرة اقناع العميل بجودة منتجك و توصل له رسالة واضحة وبسيطة

الخلاصة :

• متعملش اعلانات بزاوية واحدة
• اختبر اكتر من زاوية
• اعمل اعلان بسيط وسهل
• وصل رسالتك للعميل
• تقنع العميل بمنتجك او خدمتك

لو عايز تعرف افضل زوايا تخاطب بيها عميلك , احجز استشارة مجانية لمدة ساعة من هنا حجز استشارة مجانية