كيف يحقق الأشخاص أرباح عبر الإنترنت من بيع معلوماتهم !
لو حد قال لك إن في شركة عاملة مشروع بتبيع الهواء هتفكر أنه بيتريق عليك أو بيكدب ,
وفي شركة في أستراليا فعلا باعت الهواء ,
كان في مجموعة من رواد الأعمال عايزين فكرة مجنونة ,
بحيث أن يبيعوا منتج بدون ما يكلفهم أي شيء وكمان يكون أرباحه بنسبة 100% ليهم ,
مجموعة رواد الأعمال بحثوا في السوق وعرفوا أن في بلاد زي الصين والهند عندهم تلوث في الهواء ,
فقالوا احنا نبيع الهواء النظيف للبلاد دي
وضغطوا الهواء وعبوه في ازايز وعملوا إعلانات على الإنترنت وشحن الازايز على البلاد وباعوا الهواء النظيف في الهند والصين .
تخيل أن منتج مش بيخلص وكمان تكلفته صفر دولار
طبعا لو حد كان عرض عليك مشروع زي ده تشاركه فيه كنت هتقول إنه مجنون,
وأنا كمان كنت هقول إنه مجنون.
والحقيقة أن المنتج اتباع فعلا , في مواقع كتير كتبت عن الموضوع وناس كتير اشترت المنتج ,
ومواقع تاني قالت إن الهواء ده ملوش أي تلاتين لازمه إلا أن برضوا المنتج كان بيتباع
ولما شركات بدأت تعبئ المياه في ازايز وتبيعها ناس كتير شافت إنه جنون ,
وإن الناس مش هتشترى المياه دي .
مع أننا دلوقتى اغلبنا بيشتري ازايز المياه في السفر والشغل والشارع .
تعرف إن أنت كمان تقدر تبيع الهواء وان عندك منتج مش هيكلفك غير وقتك ومش بينتهى ؟
أيوه المنتج ده معرفتك وخبرتك في الحياة
كيف تبيع الهواء
أهلا بيك أنا اسمي أحمد الجمال بساعد الأشخاص في بناء أونلاين بيزنس خلال 30 يوم ,
و هوضح لك أزاي تحقق دخل من خلال بيع خبراتك في الحياة ومعرفتك .
الموضوع ببساطة أن أنت عندك معلومات قيمة في مجال معين وفي شخص تاني بيدور على المعلومات دي , هو مستعد يدفع لك فلوس مقابل أنه يعرفها .
المعلومات فعلا قيمة وتستحق أن يدفع فيها فلوس وفي الحقيقة هي غير ملموسة ومش هتكلفك شيء ,
أيوه هي كلفتك تجارب في الحياة وبحث وتجارب وتعليم ,
وعشان أنت تعلم غيرك المعلومات مش هتكلفك شيء ومش هتدفع حاجة مظبوط ؟
المعلومات ممكن تكتبها على ورق أو تطبعها في كتاب أو تسجلها في تسجيل صوتي أو تسجلها في فيديوهات وفي النهاية هي معلومات مش شيء ملموس .
بالرغم أن المعلومات قيمة جدا إلا أنها مش أغلى شيء في الدنيا بالنسبة للناس والمجتمع .
المعلومات والتدريس مهم جدا في حياتنا وبالعلم الإنسان قدر يطلع الفضاء ,
وفي أوقات بيكون الإنسان فيها ممكن يدفع فلوس مقابل أنه يتعلم حاجة تفيده .
مثال شخص أشتري سيارة أحلامه لو هو مش بيعرف يقود السيارة فهو ممكن يدفع فلوس لشخص مقابل أنه يعلمه إزي يقود السيارة .
وفي أمثلة كتير لناس مستعدة تدفع فلوس مقابل إنها تتعلم .
- تربية الحيوانات
- تعلم القيادة
- التخسيس
- التسويق
- البرمجة
- استخدام الإكسيل والورد والكمبيوتر
- الإدارة التخطيط
- تطوير الذات
- التصوير
وفي أمثلة كتير في العالم لأشخاص قدروا يحققوا دخل كبير من تعليم طلاب استخدام الإكسيل وبرامج الكمبيوتر.
الإنسان بطبيعته يحب يكتشف الأشياء حوله ويبحث ازاى يتعلم مهارات جديدة كل يوم
لنفرض أن شخص كسب طائرة خاصة بشرط أن يقودها هو فقط ,
هيدفع كام علشان يتعلم ازاى يقودها ؟
كيف تتأكد أن هناك شخص مستعد أن يدفع لك المال مقابل خبرتك ؟
في حيلة يستخدمها أغلب الأشخاص الناجحين في مجال بيع الدورات التدريبية عبر الإنترنت و بيسموها استكشاف الفضول أو الخبير الفضولي
أعطى نصائح للناس في مجالك بشكل مجاني عن طريق منصات التواصل الاجتماعي فلو لقيت إن في ناس مهتمة تعرف معلوماتك وخبراتك ومستعدين يعرفوا أكتر عن الموضوع ,
تأكد أن في نسبة من الأشخاص مستعدين يدفعوا لك فلوس مقابل معرفة معلومات أكثر
أو اعمل تدريب مجاني , أو كورس مجاني , أو كتاب مجاني وعلشان الشخص يثبت لك أنه مهتم بالمعلومات وتوصل له اطلب منه يدخل اسمه وايميله
وبكده هتتاكد أنه مهتم
أو نشر بوست على صفحتك وضح فيه أن لو عميلك مهتم يعرف المعلومات دي يكتب تعليق على البوست وتبعت له المعلومات
أنا مثلا في أكثر من شخص أتواصل معايا يسألني ازى بحقق مبيعات ودخل من خلال التسويق عن طريق الإنترنت ,
وبدأت أعمل مقالات زي ده
وانزل نصائح على صفحاتي
وعملت تدريب مجاني
وفي أشخاص بتطلب منى أوضح لهم معلومات أكتر مقابل أن يدفعوا لي ثمن الكورس
وفي أشخاص كتير في العالم بيصوروا فيديوهات فيها نصائح في مجالهم بموبايل عادى جدا وينشروا الفيديوهات دي على صفحاتهم على الفيس بوك وعلى يوتيوب
وبيتواصل معاهم أشخاص بيطلبوا يعرفوا معلومات أكتر مقابل إنهم يدفعوا لهم فلوس
الخلاصة
- المعلومات هي أهم عوامل النجاح مع أنها غير ملموسة زي الأدوات والمعدات
- مهم جدا تعرف الطريقة الصحيحة لبيع خبرتك ومعلومات
- بيع الهواء مش معناه الهواء اللي بنتنفسهم , المقصود بيع شيء غير ملموس , والمعلومات هي أقيم شيء غير ملموس
- مش لازم تعلم الناس إزي يكسبوا فلوس , ممكن تعلمهم حاجات كتير زي التصوير والبرمجة
- مهما كانت خبرتك بسيطة في مجالك في شخص محتاج يوصل للمعلومات دي
- المعلومات لوحدها ملهاش قيمة , وقيمتها في أزاي تستخدمها وتستفيد منها
- قدم شيء مجاني ومعنى أنك لقيت ناس مهتمة بيه ده دليل أنك هتلاقي ناس تدفعك علشان تعرف معلومات أكثر
